خالد النجار
المدير العام للموقع
العمل/الترفيه : معلم أول - أ
الموقع : مصر أم الدنيا
تاريخ التسجيل : 23/07/2009
عدد المساهمات : 1380
نقاط : 7082
العمر : 53
 | موضوع: أسهل وابسط طريقة لحل المربع الخالى  الأربعاء أغسطس 04, 2010 3:24 pm | |
| أسهل وابسط طريقة لحل المربع الخالى
اصدقائى الاعزاء أقدم لكم طريقتى الخاصة فى شرح وتبسيط حل المربع الخالى بطريقة تناسب عقول التلاميذ وانا مجرباها والنتيجة ممتازة
الاجابة ببساطة هنعتبر عملية =(يساوى) نشبهها بالكوبرى
فى حالة الجمع اليعدى الكوبرى يدفع الفرق
مثال: 25+.....=39 نلاحظ هنا ان الكوبرى نصة فاضى فى الحالة دى هنطرح الكبير ناقص الصغير هيكون الحل اية..............
39-25=14 اذن التكملة هيكون فيها 14 ////// اذن 25 + 14 = 39
طيب فى حالة الطرح نعمل اية
مثال : 56 - ...........= 24
الكوبرى هنا نصة فاضى بس الاشارة هنا ناقص يعنى اشارة حمرا طب نعمل اية نسيبها زى ماهى
يعنى نطرح الكبير ناقص الصغير والناتج نحطة فى المكان الخالى
الحل اية ..............
56 - 24 = 32 اذن التكملة هيكون فيها 32 ////////// اذن 56 - 32 = 24
طيب لو الكوبرى مليان .... بمعنى ::::abdoog8:
فى حالة الجمع نعمل اية
...... + 25 = 49 فى الحالة دى عسكرى المرور هيدخل ويقلب العلامة ( الجمع هنطرح وفى الطرح هنجمع )
دى مسالة جمع والكوبرى مليان هيقوم عسكرى المرور مغير العلامة علشان يفك الزحمة يعمل اية ( يطرح )
يقول 49 - 25 = 24 اذن مكان النقط هنضع 24
فى حالة الطرح نعمل اية
...... - 39 = 16 فى الحالة دى عسكرى المرور هيدخل ويقلب العلامة يعمل اية ..... ( يجمع )
يقول 39 + 16 = 55 اذن مكان النقط هنضع 55
الخلاصة
فى حالة لما يكون الكوبرى نصة فاضى اى الفراغ جنب اليساوى نطرح
فى حالة لما يكون الكوبرى مليان نقلب الاشارة
| |
|
