أدى القلب الطيب باعنى

أدى القلب الطيب باعنى

أدى القلب الطيب خان

خان الحب وهيرجعنى

لليالى فيها كتير احزان

أدى القلب اللى انا حبيبته

أدى الحب اللى انا حسيته

بعد العمر ده كله لاقيته

فجأه يا قلبى ..... بيودعنى

أدى القلب الطيب باعنى

*******

كنت بشوف الحلم فى عينه

قبل ما يجى ويحكى عليه

علشان نفس الحلم بشوفه

جوه لهيب الشوق بلاقيه

بس الشوق ده ماكنش كفايه

قالى هسيب الحب ورايا

سابنى وساب الحزن معايا

يهدم حلم .... أنا كنت بانيه

وأدى القلب اللى انا حبيته

أدى الحب اللى انا حسيته

بعد العمر ده كله لاقيته

فجأه يا قلبى

بيودعنى

******

اتمنيته فى عمرى يكون

حب حقيقى أعيش فى سماه

يحضن شوقى بقلب حنون

وألمس نجم السما وياه

بس ده كان النجم بعيد

قالى كفايه بقا تنهيد

سابنى وسابلى جرح جديد

عمرى يا قلبى فى يوم م أنساه

وأدى القلب اللى انا حبيته

أدى الحب اللى انا حسيته

بعد العمر ده كله لاقيته

فجأه يا قلبى

بيودعنى

**********

أحلى سلام

» الترمس يفيد القلب والاعصاب ويعالج السكري